环球门户网

非一般Facelift—Mitsubishi L200

更新时间:2021-03-30 15:01:23

导读 一次全面性升级行动 Mitsubishi L200 眼前嘅L200唔係全新车型,不过车厂对佢嘅外貌进行咗大刀阔

一次全面性升级行动 Mitsubishi L200


眼前嘅L200唔係全新车型,不过车厂对佢嘅外貌进行咗大刀阔斧嘅改动,改动大到第一眼望佢,以为佢係全新一代车型。L200一直都有喺市场发售,不过2005年前嘅L200一直都用方形车身设计,内外完全冇私家车味道,咁多年嚟都係地盘用车,职安建真汉子呀!2008年先喺推出嘅第4代L200,其实已经非常私家车化,加上当年兴起将Pickup当成SUV咁用,L200的确有一段时间被受注意。睇返第4代L200喺2008年推出时卖$279,000,直至2017年第5代入替时,车价都只係贵咗唔够$10,000,卖$288,800,喺今时今日嘅环境,你估第5代L200 Facelift版会以几多钱开卖?係$278,800呀!莫讲话平过2017年,比起2008年、十二年前仲要平多$200!用嚟入油又好、食返餐又好,总之就平咗啦!


L200能够十二年唔加价兼平咗,除咗因为大市气氛唔好、生意难捞外,Facelift一般都代表车款步入尾期,车价平啲自然更易吸引人。既然係Facelift,当然要同之前有一定分别先得,不过间间车厂做法唔同,好似早前试嘅Nissan Qashqai就着重内在改动多于外观,换新引擎、新波箱,外貌就分别不大,真係唔试过车都唔知好嘢。L200採取相对大规模嘅Facelift行动,先从外表讲起,如果唔係一早知佢係Facelift版,一定会以为佢係全新一代(事实上真係有人咁样误会),整个车头唔同晒,由以往带有少少圆浑变成好似同厂Eclipse Cross咁,充满粗犷味嘅起角设计,营造出更高头大马感觉,我个人就非常喜欢喇,Pickup係要粗犷啲先似样。


外貌大装修只係L200嘅一碟丰富头盘,跟住仲有波箱同引擎作为主菜,还记得2008年第4代仲用紧4速自动波,去到2017年第5代前期型已升级至5速自动波,嚟到第5代Facelift更用上6速自动波,仲可以喺軚盘后嘅+/-拨片操作,十足高级SUV!而且表板换咗细mon.,四驱系统转换时就会有动画出现,有返啲新鲜感。除此之外,L200嘅电子安全系统都算落足料,有防打滑系统呢啲基本嘢外,仲有埋高级SUV先有嘅追撞警告系统、越线警告系统同斜坡车速控制系统等等。乘坐感方面,如果部车静止时坐入车厢,真係同部SUV冇乜分别,真皮座椅承托力足够,后座腿部空间亦合理,唯独后座背就係分隔货斗同车厢嘅梗窗,变相冇尾箱用。


虽然车厢乘坐性、豪华设备都十足十SUV咁,但一开车就露出货车真本性,后轮用咗为负重而设嘅叶片弹簧,加上测试车货斗冇载货物,行车时车尾出现明显跳动,而且对凹凸路面嘅处理唔够细緻,如果湿滑路面要加倍小心。为符合EURO VI废气排放标準而生嘅引擎,比Facelift前容积细咗、马力亦少咗31匹,现时输出150匹马力及40.8kgm扭力,不过耗油就低至6.3L/100km,如果用嚟当私家车用,油费真係拍得住啲电油Hybrid车。


Mitsubishi L200 Spec.

引擎:2,268c.c.直四柴油Turbo

马力:150ps/3,500rpm

扭力:40.8kgm/2,000rpm

传动:6前速自动、附+/-模式

制动:前透气碟、后鼓式

车身:5,305 X 1,815 X 1,780mm

车重:3,110kg

耗油:6.3L/100km

车价:$278,800

查询:环宇汽车(2721 1111)


Text:Chris

Video:Day

版权声明:转载此文是出于传递更多信息之目的。若有来源标注错误或侵犯了您的合法权益,请作者持权属证明与本网联系,我们将及时更正、删除,谢谢您的支持与理解。