环球第一财经

真男人要越野 Suzuki Jimny

更新时间:2021-03-30 13:08:49

小小Jimny初越野


车坛热话Suzuki Jimny喺车友间吹足成年,喺去年已到港,但碍于车数量极少,返一部卖一部,所以根本冇传媒可以激试佢嘅越野能力!但越野车唔试off road,咁仲有咩意思?辘下石仔地就算?好嘞,行货版Jimny亦开始试车嘞,但仍然未有人用佢嚟off road!既然冇人用Jimny去off road,我哋《OPENCAR》就做先锋!向代理借部贴上潮牌Aape车身贴纸嘅Jimny,深入off road之地,试图玩尽Jimny嘅潜能。



今次问代理借嚟测试嘅Jimny,同我哋上年测试嘅版本,喺机械动力层面上可谓完全一样,甚至设备嘅等级都九成九相似,所以我哋今次试车只针对Jimny喺off road时嘅表现,每一个测试都用上新款Jimny嘅新改良设计或系统。

厂方数据显示Jimny嘅车头进入角有36度、前后中间嘅跨越角有28度,而车尾离去角就有50度,呢组数字睇落冇乜特别,但玩开正宗越野车嘅车迷一眼就睇得出Jimny唔係普通SUV。


Test 1兀辘上山

而我哋第一个测试就利用佢慢慢爬上不规则泥坡,唔使多讲要用波棍设定至4L模式,四轮输出扭力即时倍增,差速器锁合、令四轮都有平均输出,就算个别车胎因为离地而打滑,有抓着力嘅车轮都可以助Jimny脱离险境,过程非常轻鬆、易于掌握,一般SUV嘅part time四驱冇呢份能耐。



Test 2落碎石长命斜

越野车不单止要攀山越岭,上得高山亦要安全落山,以往嘅Jimny空有一身铜皮铁骨,但落斜只可以用拖波加上迫力嚟减慢车速,某程度上都几花驾驶者嘅集中力同技术。新Jimny首次加入「Hill Decent Control落山车速控制系统」,连埋四驱系统同时使用,电子系统会感应车速、轮胎打滑程度等数据,可以限制落山车速,就算完全放开迫力脚踏,部车都会慢慢落山,亦唔会因为碎石打滑而狂冲,驾驶者亦可以加少少迫力令车速再放慢,对迫力嘅负荷有一定帮助。



Test 3车架刚性 & 车底角度

新一代Jimny嘅底盘改良自上代,基本骨架不变,但车底中央加入「X」形支架,车头及车尾都加咗横桿,令底盘同车架刚性都有改良,足足比上代提升1.5倍,笔者多次行走崎岖不平泥坡,甚至喺斜坡停车,发觉28度跨越角可以跨越大部分崎岖路面,而更难得係车架完全冇出现扭曲情况,开关门畅顺自然,如果係一般SUV,久而久之可能闩门有空隙,甚至有杂声。



Test 4进入角测试

36度进入角同50度离去角究竟係乜野概念?Jimny上落泥坡会唔会撞到车底就係关乎到呢两个角度,测试时发觉除非落山同上山都係极崎岖路,否则撞到车底嘅机会唔大,就算係轻微撞到车底,车头同车尾都有保护板挡一挡,玩得安心。今次测试车係5速手波版,即係话踩住极力子就会进入空波状态,如遇上斜坡停车又再开车,咪会有好大溜后风险?放心,新Jimny已有「Hill Hold Control斜坡起步辅助」,可以喺完全鬆开手、脚迫力及空波状态下定全车身2-3秒左右,够你慢慢吊极力子起步而唔会溜后。



Suzuki Jimny Spec.

引擎:1,462c.c.直四

马力:102ps/6,000rpm

扭力:13.3kgm/4,000rpm

传动:5前速手动

车身:3,625X1,645X1,720(mm)

轴距:2,250mm

意向车价:$208,800

查询:香岛汽车(2332 0091)


Text:Chris

版权声明:转载此文是出于传递更多信息之目的。若有来源标注错误或侵犯了您的合法权益,请作者持权属证明与本网联系,我们将及时更正、删除,谢谢您的支持与理解。